Ï㽶ÊÓƵAPP

Mae ein rhaglenni ôl-radd yn Ysgol y Gyfraith yma ym Mangor yn adlewyrchu ein hymchwil, a’n blaenoriaethau fel prifysgol sy’n wynebu’r dyfodol i arfogi myfyrwyr i ddatblygu eu gyrfaoedd yn y gyfraith yn bellach. Ein nod yw galluogi ein myfyrwyr i hogi eu harbenigedd cyfreithiol, ysbrydoli gwreiddioldeb yn eu hymchwil, a rhoi’r sgiliau a’r gefnogaeth y mae arnynt eu hangen i gwrdd ag anghenion yr hyn sy'n digwydd yn gyfreithiol, yn fasnachol ac yn wleidyddol ar lwyfan y byd.

Trwy addysgu a chymhwyso arbenigedd ymchwil Ysgol y Gyfraith Bangor, mae'r lleol yn cwrdd â'r byd-eang trwy ein ffocws rhyngwladol ar draws meysydd hawliau dynol a dyfarnu cyfraith droseddol a chyfraith ddyngarol ryngwladol; busnes ar lefel fyd-eang a chwestiynau’n ymwneud â masnach ac eiddo deallusol; newid yn yr hinsawdd a chyfraith amgylcheddol ryngwladol; hyd at gwestiynau’n ymwneud â chyfiawnder troseddol ar y lefel weithredu yn ddomestig. Felly mae ein haddysgu a arweinir gan ymchwil yn perthyn yn fras i’r pedwar categori canlynol:

• Busnes Rhyngwladol a Chynaliadwyedd
• Hawliau Dynol a Chyfraith Trosedd Ryngwladol
• Newid Hinsawdd a'r Amgylchedd
• Troseddeg a Chyfiawnder Troseddol 

Gan ddilyn y digwyddiadau cyflym ar lefel fyd-eang, mae ein hymchwil ôl-radd a’n haddysgu ar ein rhaglenni LLM (Meistr yn y Gyfraith) yn rhoi’r posibilrwydd i fyfyrwyr ddysgu a chymhwyso’r gyfraith ar draws y meysydd allweddol hyn.